នាយករដ្ឋមន្ត្រីចង់កែប្រែពេលវេលាទំនេររបស់សិស្សដើម្បីបង្កើនសមត្ថភាពនិងអត្ថប្រយោជន៍សម្រាប់សិស្ស
ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានលើកឡើងពីបំណងក្នុងការជំរុញសិស្សឱ្យមានឱកាសបំប៉នបំណិតជីវិតបន្ថែមក្នុងម៉ោងទំនេរពីការសិក្សា ដោយថាការធ្វើបែបនេះនឹងអាចធ្វើឱ្យសិស្សមានបទពិសោធន៍ក្នុងជីវិតជៀសវៀងពីអំពើអបាយមុខផ្សេងៗ។
ថ្លែងក្នុងទិវាគ្រូបង្រៀន ព្រឹកថ្ងៃទី៥ ខែតុលា ឆ្នាំ២០២៣ នៅវិទ្យាស្ថានបច្ចេកវិទ្យាកម្ពុជា សម្ដេចធិបតី ហ៊ុន ម៉ាណែត បានលើកឡើងពីការរៀបចំកម្មវិធីក្រៅម៉ោងសិក្សាដែលអាចឱ្យសិស្សបានចូលរួមបន្ទាប់ពីម៉ោងសិក្សារបស់សិស្ស។ កម្មវិធីក្រៅម៉ោងនោះមានដូចជាក្លិបសិក្សា ការចូលរួមជួយក្នុងការងារសង្គមដូចជាជួយចាស់ជរា និងអនាម័យបរិស្ថានជាដើម។
សម្ដេចថាដើម្បីលើកចិត្តសិស្សក្នុងការងារទាំងអស់នេះគួរគប្បីមានការលើកទឹកចិត្តតាមរយៈការដាក់ពិន្ទុផងដែរ៕
